Kæru foreldrar/forráðamenn.
Á morgun fimmtudaginn 1. október mun knattspyrnudeild Íþróttafélags Reykjavíkur hefja nýtt æfinga og keppnistímabil. Æfingatöflur hafa verið gefnar út og að auki ætti bæklingur um æfingatíma að vera kominn inná hvert heimili í 109 hverfinu. Það verða smávægilegar breytingar á starfi knattspyrnudeildarinnar þetta árið, þá aðallega tilfæringar á þjálfurum og einnig koma tveir nýjir þjálfarar til starfa. Þjálfarar knattspyrnudeildarinnar eru allir með þá menntun sem KSÍ krefst af félaginu að þeir hafi skv. leyfisreglugerð KSÍ.
Helstu breytingar hjá kvennaflokkum eru:
Magnús Bogason tekur við þjálfun 8 og 7. flokks kvenna af Halldóri og Tönju.
Tanja Nicolic heldur áfram með 6. flokk kvenna.
Bryndís Jóhannesdóttir heldur áfram með 5.flokk kvenna.
Halldór Þ. Halldórsson tekur við þjálfun 4.flokks kvenna af Úlfhildi Ösp Indriðadóttur.
Úlfhildur Ösp Indriðadóttir tekur við þjálfun 3.flokks kvenna af Friðriki Egilssyni.
Helstu breytingar hjá karlaflokkunum eru:
Árni Guðmundsson tekur við þjálfun 7.flokks karla af Sigurði Sigurþórssyni.
Óli Sigurjónsson tekur við þjálfun 6. flokks karla af Halldóri Þ. Halldórssyni.
Engilbert Friðfinnson heldur áfram þjálfun 5.flokks karla.
Friðrik Egilsson tekur við þjálfun 5.flokks karla af Magnúsi Bogasyni.
Halldór Þ. Halldórsson heldur áfram þjálfun 4.flokks karla.
Eiður Ottó Bjarnasson heldur áfram þjálfun 3.flokks karla.
Í þessum töluðu orðum er verið að ræða við aðstoðarþjálfara og vonandi verða þeir klárir fyrir helgina en það verða klárlega breytingar í nokkrum flokkum.
Við viljum minna ykkur á frístundakortin og klára að ráðstafa styrknum á rafrænni Reykjavík sem fyrst, http://rafraen.reykjavik.is en einnig er hægt að hafa samband við skrifstofu ÍR í síma 5877090 til þess að fá aðstoð.....
Ný vefsíða (www.irsida.is ) var tekin í gagnið um síðustu áramót og því við hvetjum ykkur til að fylgjast með henni reglulega. Síðan en ekki síst með bloggsíðum flokkana, það er gott að vista þær í favorit á vafranum. Á bloggsíðum flokkana eru flestar tilkynningar um málefni flokksins og hinar ýmsu upplýsingar settar inn sem eru ætlaðar iðkendum, foreldrum eða forráðamönnum. Við viljum vekja athygli á því að bloggsíðu 7.flokks karla hefur verið breytt í http://7flokkurir.blogcentral.is/ en aðrar síður haldast óbreyttar.
Foreldrafundir verða haldnir um miðjan október en þangað viljum við hvetja alla foreldra/forráðamenn til að mæta. Fundirnir verða tilkynntir nánar síðar með vefpósti, á bloggsíðu flokksins og á vefsíðu félagsins.
Þau foreldraráð sem voru starfandi á síðasta ári eru beðin að koma saman fyrir 15.október og taka saman starfsskýrslu fyrir árið. Einnig þurfa þau að skila inn þeim gögnum sem barna og unglingaráð óskar eftir. Við verðum í sambandi við aðila úr hverju foreldraráði lok þessarar viku til þess að útskýra þetta nánar.
Hér fyrir neðan má finna slóð á foreldrabækling KSÍ sem aðgengilegur er á heimasíðu Knattspyrnusambands Íslands (www.ksi.is). Bæklingurinn er á fjórum tungumálum (íslensku, ensku, pólsku og spænsku) og er það von knattspyrnudeildar ÍR að sem flestir foreldrar/forráðamenn gefi sér tíma að yfirfara og aðstoði við það mikilvæga starf sem við vinnum og með þeim hætti sem hver og einn mögulega getur!
Þeir sem hafa einhverjar spurningar, hugmyndir eða geta boðið fram aðstoð sína til að vinna að málefnum barna og unglingaráðs geta sent Halldóri Þ. Halldórssyni yfirþjálfara yngri iðkenda vefpóst á irknattspyrna@hotmail.com eða haft samband í 891-6320 fyrir kl 15:00 alla virka daga.
ATH ATH ATH ATH ATH ATH ATH ATH ATH ATH ATH ATH ATH
ÞAÐ hefur safnast mikið af fatnaði í sumar af völlunum eða úr keppnisferðum flokkanna í herbergi húsvarðar. Þeir sem sakna einhvers frá því í sumar eru beðnir að athuga með hvort þeir eigi eitthvað þar. Um miðjan október mun fatnaðurinn verða gefinn til Rauða Krossins eins og ætíð hefur verið gert þegar hann safnast upp í ÍR-heimilinu
Við viljum óska ykkur öllum gleðilegs knattspyrnutímabils og vonandi mun ÍR eflast og dafna á þessu knattspyrnutímabili. Við höfum marga hæfileikaríka einstaklinga hjá knattspyrnudeild ÍR og við þurfum að byggja SAMAN upp öfluga knattspyrnudeild í neðra Breiðholti.
HÉR fyrir neðan eru ýmsar vefslóðir sem vert er að athuga...
Hér er hægt að nálgast upplýsingar um æfingatöflu knattspyrnudeildarinnar:
http://www.irsida.is/media/PDF/Aefingatafla_Knattspyrnudeildar_20092010.pdf
Hér er hægt að nálgast upplýsingar um þjálfara flokkanna:
http://www.irsida.is/Deildir/Knattspyrna/KnattspyrnudeildIR/Thjalfarar/
Hér er hægt að nálgast upplýsingar um stefnu- og starfslýsingar:
http://www.irsida.is/Deildir/Knattspyrna/KnattspyrnudeildIR/Stefnumotun/
http://www.irsida.is/Deildir/Knattspyrna/KnattspyrnudeildIR/Starfslysingar/
Hér er hægt að nálgast upplýsingar um bloggsíður flokkanna:
http://www.irsida.is/Deildir/Knattspyrna/Bloggsidur/
Hér er hægt að nálgast upplýsingar um leyfisreglugerð KSÍ:
http://www.ksi.is/leyfiskerfi/Leyfisreglugerd/
(grein 34-37).
Hér er hægt að nálgast upplýsingar um foreldrabækling KSÍ:
http://www.ksi.is/media/fraedsla/Foreldrabaklingur_KSI_4_tungumal.pdf
ÁFRAM ÍR